Həyat hekayəsi
Səbuhi Orucov 1993-cü il yanvarın 20-də Bakı şəhərində anadan olub. Azərbaycan Ordusunun əsgəri olan Səbuhi Orucov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın, Qubadlının və Laçın rayonunun azadlığı uğrunda gedən döyüşlərdə iştirak etmişdir. Səbuhi Orucov oktyabrın 26-da Laçın döyüşüşləri zamanı şəhid olub. Azərbaycan Prezidenti İlham Əliyevin müvafiq Sərəncamlarına əsasən Səbuhi Orucov ölümündən sonra, "Vətən uğrunda", "Cəbrayılın azad olunmasına görə", "Qubadlının azad olunmasına görə","Laçının azad olunmasına görə" medalları ilə və 3-cü dərəcəli "Vətənə xidmətə görə" və "Azərbaycan Bayrağı" ordenləri ilə təltif edildi.